ໄອເອັມເອຟ ປ່ອຍເງິນກູ້ງວດໃໝ່ ໃຫ້ແກ່ ອາກຊັງຕິນ 4,7 ຕື້ໂດລາສະຫະລັດ
ຕາມຂ່າວຈາກນະຄອນຫຼວງ ບູເອໂນແຊກ ເປີດເຜີຍໃຫ້ຮູ້ໃນວັນທີ 1 ກຸມພາ 2024 ຜ່ານມານີ້ວ່າ: ກອງທຶນເງິນຕາສາກົນ (IMF)
ໄດ້ອະນຸມັດເງິນກູ້ງວດໃໝ່ມູນຄ່າ 4,7 ຕື້ໂດລາສະຫະລັດ ໃຫ້ແກ່ ອາກຊັງຕິນ ເຊິ່ງເງີນກູ້ດັ່ງກ່າວເປັນສ່ວນໜຶ່ງຂອງວົງເງິນສິນເຊື່ອ 44
ຕື້ໂດລາສະຫະລັດ ຕາມຂໍ້ຕົກລົງປັບໂຄງສ້າງໃນປີ 2022 ຈົນເຖິງປັດຈຸບັນ.
ໄອເອມເອຟ ໄດ້ອະນຸມັດເງິນໃຫ້ແກ່ ອາກຊັງຕິນ ໄປແລ້ວປະມານ 40,6 ຕື້ໂດລາສະຫະລັດ ເພື່ອສະໜັບສະໜູນນະໂຍບາຍອັນ
ເຂັ້ມແຂງຂອງລັດຖະບານ ອາກຊັງຕີນ ໃນປັດຈຸບັນ ເພື່ອການຟື້ນຟູສະຖຽນລະພາບຂອງໂຄງປະກອບເສດຖະກິດມະຫາພາກ ເພື່ອປູ
ທາງໃຫ້ມີການກັບຄືນສູ່ການເຕີບໂຕແບບຍືນຍົງ.
ໃນຂະນະທີ່ ໄອເອັມເອຟ ຄາດການວ່າເສດຖະກິດຂອງ ອາກຊັງຕິນ ຈະຍັງຄົງປະເຊີນໜ້າກັບສະພາບການທົດຖອຍໃນປີນີ້ ເຊິ່ງ
ມີຈຳນວນເງິນຕິດລົບ 2,8%. ອັດຕາເງິນເຟີ້ໃນປີ 2023 ທີ່ຜ່ານມາ ເພີ່ມຂຶ້ນສູງສຸດເປັນປະຫວັດສາດ 211,4%.
ແຫຼ່ງທີ່ມາ: ໜັງສືພິມກອງທັບ
ວັນທີ 06/02/2024